نص كلمة السيسي وتعليقاته أثناء تفقده لعدد من المشروعات والمواقع الإنشائية بالعاصمة الإدارية 1/11/2020

الخرسانات... ونخلصها تمامًا.. حتى الطرق وحتى الجزء اللي مع الحكومة وكده، مش كده؟ لأن طبعًا مش هايبان أبدا المنظر الرائع اللي انتوا عاملينه ده، إلا إذا كان كل حاجة مع بعضها، لأ، يعني كل حاجة مع بعضها، الإضاءة مع الطرق المعمولة مع تخطيتها، يعني.. كده إن شاء الله.

...

آه.. فاضلكوا قد إيه؟ كل ده يبقى خلصان. إنتوا بتقولولي 30/6 هاستلم موقع زي الكتاب مابيقول، مش كده يا فندم؟ متشكرين.

...

بعد سنين طويلة جدًا، هاتقولوا إحنا اللي عملنا ده، ده اسمه تاريخ مصر الإيه؟ تاريخ مصر الحديث. الدولة الجديدة، الدولة الإيه؟ الجديدة. أمر ليس باليسير، عايز مننا انتباه شديد، لأن اللي بنعمله ده، هايفضل موجود معانا على طول. هايفضل موجود معانا مش عشرات السنين، ده هايبقى معانا مئات السنين. هايبقى معانا إيه؟

إنتوا شوفتوا القاهرة مثلًا الخديوية. القاهرة الخديوية معمولة النهاردة داخلة في أكتر من 150 سنة. لما اتعملت، وقت ما تم افتتاحها، الجزء ده لما افتتح ساعتها، كانت حاجة تانية خالص. كان لابد إن إحنا نخرج من القاهرة، لأن إحنا بنصرف على القاهرة (يتنهد الرئيس) مليارات الجنيهات اللي لو كانت اتصرفت هنا من 20 سنة، كانت خلت المنطقة دي كلها حاجة تانية.

الخلاصة اللي أنا عايز أقولهالكم: انتبهوا للحاجة اللي بتتعمل. وإنت مش معاك بس لوحة، لأ معاك فكرك وعقلك وأنا مستعد أسمعهم، وأنا لما بتكلم معاكم بتكلم عشان أسمع، وأنا بيكم وبالناس المهندسين والمستشارين والمكاتب الاستشارية، هانطلع حاجة جميلة، حاجة متكاملة.

فشدوا حيلكم، وإحنا إن شاء الله عايزين على معادنا.. ال طبعًا ال8 أشهر اللي انتوا قفلتوا فيهم كان ليهم تأثير، يعني أنا لما شوفت الشغل، فعلًا إحنا الكورونا أذتنا يعني، أو أذتنا سنة يعني... خلاص، بس إحنا نعوض ده، نعوض ده في ال... إن شاء الله.

...

ألقيت الكلمة في العاصمة الإدارية الجديدة، حيث تفقد الرئيس خلال جولته: حي البنوك، ومركز مصر الثقافي الإسلامي، إلى جانب عدد من القطاعات والأحياء السكنية، والحي الحكومي.

خدمة الخطابات الكاملة للسيسي تجدونها في هذا الرابط.